تهيض خاطري عقب الفجر مع صحوة العصفور=وغنيت اللحون اللي حبيب الروح يهواها
صباح الخير يا نبض الغرام ويا صباح النور=صباح الخير للي يبهج الخاطر محياهها
صباح الخير يهديها فؤاد بشوقها مسرور=على اللي كل ما أصبح يوم من عمره تمناها
على متن الأثير يبثها مرسالي المشهور=على موج الفضا وأطباق موقعها تلقاها
ياربي تاصله في خير مرشوة بريح عطور=يسلمها لها مع وردةِ(ن)حمرا بيمناها
وأنا مني لمرسالي ليا من وصل المنشور=يسلم لي على اللي روحي وكلي تفداها
عزيز الروح ما تغلا على اللي بالغلا مخبور=لأجل كذا من غير ما نسأل وهبناها
فداها كوننا اللي للعيون نشاهده منظور=وتفداها مشاعر شاعرٍ(ن)بالشعر غناها