اهلا هلابك يا سعيد النعيمي=الدار دارك والرفاقه رفاقتك
حليت مرحب يالوقور الحليمي=ورود قبلك قدمت لي بطاقتك
شاعر ولا بك قاصرٍ(ن)يالكريمي=وأهل المعرفة تفتخر حين لاقتك
فرحت بك والله بسري عليمي=سعيد أنا أسعد يالرفيق بصداقتك
الدار وحدة ما أنت فيها غشيمي=كل القوافل تفتخر في علاقتك
هات العلوم وشوقنا يا فهيمي=لكن لا تحمل أبد فوق طاقتك
الشعر ميدانه يحب الهميمي=أحدٍ(ن)سبق لك وأحد يركض بساقتك
اهلا هلابك يا سعيد النعيمي=الدار دارك والرفاقه رفاقتك

المشاركة الأصلية كتبت بواسطة ورود الريم (المشاركة 170993) كل الشكر لك شاعرنا و مديرنا الراقي يستاهل شاعرنا سعيد بن صياح الترحيب اتمنى له طيب الاقامة و ان يزهو منتدى القوافل بابيات راقية

رداً على شاعرنا واخينا ومراقبنا العام بن هليل ابياتي المتواضعه التي اتت على عجاله واتمنى ان تنال استحسانه ولو انها اقل من مستوى عطاءه ولكن قد تشفع لأخيه

رحبت بي يابن الشجاع العديمي.... وفحوى المعـاني ذا مؤشر طلاقتك
عزالله انك بالمعـــاني حكيمــي....ومدلول طيبك من خصايص عراقتك
ياصاحبي يامســندي يا لزيمي .... ترحيبك اعجبني بروعة لبـاقتك
وخليت قيفــان الغــلا يانديمـي .... تاتي على درب ٍ عليهــا تهـاقتك
ثم انثرت من وابل الخيــر ديمي .... امطار لي هلت على القاع راقتك
ومابين وجـداني وفكري وغيمي .... شي ٍ يضـاهي باعتقــادي حذاقتك
واجزم بان اللي خفا في صميمي ....ابيــات لاجاتك من القلب شاقتـك
يقولهــا اللي ما وصل للعميمي .... عل وعسى نلحق مع الركب ناقتك

اخوك سعيد النعيمي