العمر لو طول قصير=ما يعرفه غير الكبار
وأثقل سويعات المسير=ساعات تُقضى بإنتظار
والليل ثقله بالأخير=ما كن يطلع له نهار
أسهره بإحساس الضرير=لكن ما به من خيار
الحلم ياليلي كبير=وأشوف نفعاته صغار
القاه في صبحي صغير=وإلا تلاشى ثم طار
أحلام تأتي ثم تطير=سراب يطلع له بخار
مشاعري في زمهرير=هيْ نار وأطفيها بنار
كن الجمر تحت السرير=يشعله قصاف العمار
أجمع لهم أحسبه خير=الحظ عاكس للمسار
عايش ملك مالي وزير=غريق في عمق البحار
أبني قصور من الحرير=والبس ثياب من الحجار
كل شيء يطلع لي بغير=حتى الجناين والقفار
ياليل قل لي بالمصير=أزرع لشوك بلا ثمار
العمر يا ليلي قصير=ما يعرفه غير الكبار

عزالله انك كتبت على البحر القصير
مضمون كل مايحتويه بالمعنى كبير
وكبيراً جداً وذلك لجزالة وقوة مخزون
امثالك من الشعراء الكبار ومنكم نتعلم ياغالي
صح لسانك لين ترضا ودمت على مثل هذا التألق

المشاركة الأصلية كتبت بواسطة عبير الشوق (المشاركة 173145) وجدانية.. تحمل كماً من الأوجاع لكنها رااااائعة ولا غرابة استاذي صح نبضك والقلم تقديري

المشاركة الأصلية كتبت بواسطة ذياب بن غانم (المشاركة 173161) صح لسانك يا مبدع القوافي تقبل التحية

المشاركة الأصلية كتبت بواسطة قمر الحجاز (المشاركة 173163) تسلم الايادي شاعرنا الراقي صح لسانك ونبضك ربي ما يحرمنا منك

المشاركة الأصلية كتبت بواسطة العبدلي (المشاركة 173167) صح نبضك ولسانك قصيدة جميلة

المشاركة الأصلية كتبت بواسطة الحر الأشقر (المشاركة 173168) مبدع ولا غرابة صح لساااااااانك