قالت أكتب للهوى قصة جديده=او قصيدة في مجالسنا نحكيها
قلت: مقدر بالغرام اللي فريده=المحاسن كل ابوها تحتويها
صعب يُكتب عمر في صفحة جريده=من سنين طوال مرت بي عليها
المشاعر ما تكفيها نشيده=والمكارم كلها مدة يديها
كيف بكتب لي قصيدة في قصيده=المعاني كلها منها وفيها
لامعة مثل النجوم اللي بعيده=صعب تقرب لو تبي قربي وابيها
شامخة مثل الجبال اللي عنيده=كل عينٍ(ن)من حلاها ترتجيها
غالية ثم حالية عذبة رشيده=ياعذاب اللي كمايه مهتويها
من سنين طوال وشهورٍ(ن)عديده=المشاعر بالحنايا تحتريها
حبها بالقلب يكبر به رصيده=مير كيف وكيف تاتيني وأجيها؟
حالت الأقدار من دون المجيده=والقصائد والسوالف تمتنيها
سالفتنا سالفة ماهي جديده=خلي العربان لأزمان تحكيها

المشاركة الأصلية كتبت بواسطة عبير الشوق (المشاركة 175126) مقعد ثاني وسوف اعاود المرور على حروفها جميله بحق وعذبه استاذي / صح نبضك والقلم تقديري