الليل يا ثقله بدونك حبيبي=تكفى تجمل سامر الروح لا تروح
خلك معي من شوف عيني قريبي=واسمع وسولف لي عن السر والبوح
سولف معي يمكن جروحي تطيبي=لا تزيد قلبي جرح والقلب مجروح
لا تعتذر وتقول لحظات أغيبي=منت بعلى هذا التصرف بمسموح
ترى غيابك لو دقايق صعيبي=غيبتك عني تشعل الشوق والنوح
وإن رحت عني يا حياتي غصيبي=عز الله إن الليل بقضيه مشفوح
أشتاق لك شوق اليتيم الغريبي=قدام عينه شايف أبوه مذبوح
ما حيلته غير البكاء والنحيبي=ما يدري إن النوح مافيه مصلوح
بشق من قهري وحري لجيبي=لا صار دم الشوق بعروقي ايفوح
ما عاد ينفع بالمواجع طبيبي=ما دام ليلي من مباهجه ممسوح
خل الهوى يدري بجوره غريبي=راع الهوى لو خادع الروح مفضوح
ونات صدره مثل ون الصويبي=اللي من الطعنات بالفرش مسدوح
ما كنه إلا ناهشه ناب ذيبي=يعوي عوى سرحان في فج صحصوح
كل ما طواه الجوع لج القنيبي=صدره من اللوعات ماهو بمشروح
مثلي ليا ناديت لك ما تجيبي=صدري يضيق وهاجسي يتعب الروح
كن الفراش يصير جمر ولهيبي=الفكر طول الليل شاطح ومشطوح
أون ما بين الفجر والمغيبي=أستورد الأحزان وأصدر فروح
هذا قدر محتوم هذا نصيبي=كتبه رب الخلق للروح باللوح
الليل يا ثقله بدونك حبيبي=تكفى تجمل سامر الروح لا تروح

الليـل يـا ثقلـه بدونـك حبيـبـي
تكفى تجمل سامر الـروح لا تـروح
خلك معي من شوف عينـي قريبـي
واسمع وسولف لي عن السر والبوح
سولف معي يمكن جروحـي تطيبـي
لا تزيد قلبي جرح والقلـب مجـروح

المشاركة الأصلية كتبت بواسطة عبير الشوق (المشاركة 175322) الليـل يـا ثقلـه بدونـك حبيـبـي تكفى تجمل سامر الـروح لا تـروح خلك معي من شوف عينـي قريبـي واسمع وسولف لي عن السر والبوح سولف معي يمكن جروحـي تطيبـي لا تزيد قلبي جرح والقلـب مجـروح يداهمنا الشوق فنكون للسهر قصصاً جديده استاذي / صح نبضك قصيده راااقية .. نقية .. عذبة لك التحية والتقدير

طاب ليلك وصح بدنك

سعدت بحضورك وردك الطيب مشرفتنا الفاضلة

تقديري