تعوذوا من بليس الله يلعن بليس=لن خش بين العرب يخرب لنياتها
مرسي بعد ما حكم ما طيحه غير سيس=ياشين بعض الجنود وشين سياتها
خان العهد والأمانه الخبيث الخسيس=حية تبن والخباري كُثر حياتها
حاس الكناة وأهلها بإنقلابه حويس=ما عاد نعرف لروحتها وجياتها
انحاز للشلة اللي يشحتون اللحيس=ما همهم دين وإلا مصر وإحياتها
برادعي شد فوق السيس خرج وحليس=الغدر والمكر كله بين طياتها
تطبعوا بالخيانة بالخفا والدسيس=اللي تحبكه بليلٍ(ن)في بناياتها
والمشكلة يوم صدقهم غشيم وفليس=من شعب يحسب غناته في يدياتها
يا شعب مصر العريق إن كان ودك تريس=محص ودقق نواياهم وغاياتها
قدام تخرب وتصعب فوق عقلٍ(ن)وكيس=الحرب قامت تدير الكم رحيَّاتها
تعوذوا من بليس الله يلعن بليس=لن خش بين العرب يخرب لنياتها