أجمل صباحات العمر ثالث العيد=مع صاحبٍ(ن)جمل صباحي صباحه
جاني يعايدني بليا مواعيد=فديت ذوقه والحلا والفصاحه
قال أنت طيب قلت ياكايد الغيد=أكيد معك أحس مليون راحه
النور مع جيتك بيزيد ويزيد=يا مكتسي بالذوق فوق الملاحه
جيتك عندي ياغلا كل ما أريد=الشوق مني كل عرق استباحه
يا مرحبا ترحيب يا شامخ الجيد=حياك قلبي للجميل إستراحه
احتل عرش القلب وضلوعي البيد=كلي على بعضي لشرواك ساحه
اشرب ينابيع الوفا والمواريد=من هاجسٍ(ن)حلت عليه السماحه
غلاك صعب يحده اليوم تحديد=في صدر معلن بالحضور إنشراحه
أجمل صباحات العمر ثالث العيد=يا صاحبٍ(ن)جمل صباحي صباحه