هذه ابيات كتبتها بعد سماعي شلة لمحمد العبدالله لقصيدة الشاعر يوسف العصيمي واللي يقول فيها عمر المطر( موجوده باليوتيوب ) وقلت على نفس الوزن هذه الابيات اللي اتمنى تحوز على رضاكم :

توي دريت أن السنين.. تبور .... يوم ٍ لقيت أهل النفاق كثار
منها عرفت الواقع المخطور .... يوم اكتشفت أن الزمن دوار
ويا لايمي بالصاحب المقهور .... قل.. ربي .. الرحمن والستار
فان بار بك من للزمن مذخور .... مالك يا كود الواحــد القهـار
وان دارت الدنيـا بحكم الجـور .... بتشوف شوف العين ذل كبار
والشور لو عدا حكيم الشور .... ماتؤخذ الحكمة من أهل الطار
بس الأمل بالواقع المنظور .... نحتاج له بعد الالم .. منظار
فان عنز المخطي على المعثور .... قل طالت الفتنة خيار اخيار
وقل للفطين الغافل المغـرور .... اثر الفراسة من عطا المختار
والشايب اللي هو خبير طيور .... أبوي قوله .. ماعليه ..غبار
قزر حياته .. عايشٍ مستــور .... مايوم شفته ضايقٍ .. محتار
لو كان ماهو بالفعل ... دكتور .... لكن.. لقى لعلاج... للمسمار
وقبل يتوفى .. بحول ٥ شهور .... وصى وصاة الفاهم البيطار
ثم قال طعني واستمع للشور .... الدار .. ياولدي .. بدلها .. دار
كتم على سرك وأخــذ.. البزور .... من دون لا تخطر احد بأخطار
وعطاك لو روح هبـاء منثور .... ماهي نهاية دنيتك وش صار
منها فهمت أن الزمان... يدور .... وان الرضا من حكمة الجبار
فكم من فقيراً له فعل مذكور .... ولا الغنى مايرفع ... المقدار
أما المذلة .. دربها .. محظور .... وتلبس.. الرجال .. لبس العار
وياللي زمانك حط فيك شعور .... انك تشوف الناس باستصغار
اثر البلا الخافي ورا المستور .... ينبيك باحداث الزمن باعصار
لكن جحود ..الطيب يامشهــور .... يحط من قدرك على المعيار
والظاهر انك .. ماحبكت الدور .... يوم افتعالك ... لعبت الإنكار
لكن يا غالي بالفعل مشكـور .... كأن اعتقادك قد خذيت الثأر
بس بشرالشامت رضا المسرور .... اللي طلع راضي بليا أضرار
والحـــر مايمسي وهو محقــور .... وان طار قل ودع يد الصقار
يقولهـــا.. اللي مالحقه قصــور .... يوم أزمة الخمه هل الدوار
سهران ليلي ليــن طــر النـــور .... من دون منّه من حماة الدار
لكن لنا الله ياوطــن .. معــــذور .... كان التهيت بأزمة .. التجار
رغم أن حق اهل الوفا مهـــدور .... بس التعنت جا بسبق إصرار
والسور مايأسر سوا المأســور .... ولا الحرار.. بطبعها .. أحرار
لكن وش اللي يجبر المكســور .... من ربعنا اللي نصفهم منهار
بس ذا قدرنا والقــدر مسطــور .... تلعب بنا الدنيا .. بفكر صغار