قالت:عنيدة قلت:وعنادي أكبر...=لو تعرفينه ما تقربتي عناد...
مثل الجبل ما تهزني ريح صرصر...=اللي بعثها الله عقوبة على عاد...
الفعل يسبق للحكي إيه وأقدر...=ما يردني عن غايتي وقت وبعاد...
ماني بمن دمعه بخده تحدر...=ولاني بمن يمنع عن ضيوفه الزاد...
أنا عتيبي من هوازن منصر...=بعون الكريم اللي يعاون للأجواد...
وليا بغيتي عني علومٍ(ن)أكثر...=قولي ما دام الحكي يا بنت منقاد..
بشرح لك التاريخ كله وأسطر...=ملاحم الأيام من مجد الأمجاد...
كل ما بغيتي عندنا ما يتعسّر...=نجيبها لوكان برماح وجياد...
لن حك عود لعود يا صعب تصغر...=حنا مطوعة اللي على غيرنا زاد...
حنا أسود العُرب بالبحر والبر...=حنا الفصاحة خير من ينطق الضاد...
حنا بكل اللي على البال يخطر...=أسياد هذا الكون يا بنت الأسياد...
أنتي عنيدة صح وعنادي أكبر...=لو تعرفينه ما تهمقيتي عناد...