تاسع سنة يا دار من خبر في خير=والعالم اللي حولنا ف اضطرابه
في عهد أبو متعب مليك المناعير=ما صك دون الشعب في يوم بابه
عهد الرخاء والأمن للناس والطير=صقر العروبة غيث يمطر سحابه
ملك كسب بالعدل حب الجماهير=دستوره القرآن ما شيء شابه
دستور ما مثله بكل الدساتير=تشريع رب الناس ماله مشابه
مشوا عليه منظمين الطوابير=نهج النبيَّ الهاشميَّ وصحابه
آل السعود محكين البواتير=بحكم الله اللي نزله في كتابه
لين إستقرت وأصبحت دارنا غير=في عهد محبوبٍ(ن)عزيزٍ جنابه
عبد الله اللي كبر الله تكبير=من شرقها للغرب كلٍ(ن)يهابه
ما حط من دون المواجب معاذير=أكرم لشيب الدار وأكرم شبابه
يحفظه رب البيت من كل تكدير=صاف النوايا كل ميسور جابه
تاسع سنة يا دار من خبر في خير=والعالم اللي حولنا ف اضطرابه