جاني خبر عن صاحبٍ(ن)ما نساني=ينشد عن أحوالي وهو سر بلواي
يا موصل الأخبار قل له تراني=مريض من بعده على الله شكواي
هواه عقب فيَ بعض الجناني=ليته عليًه مرسلٍ(ن)معك بدواي
ودي بشوفه والظروف تحداني=البعد كايد والقهر يقطع شواي
يالله طلبتك يا رفيع المكاني=يا عالمٍ(ن)بالحال سامع لنجواي
تلطف بحالي بالخفا والبياني=الصبر قل ومل ما ضامه سواي
أون ون مجندلٍ(ن)بالطعاني=كسرت صمت الليل ولحوني اعواي
حاولت أنام ونوم عيني جفاني=وشلون أنام وما حكم لي بدعواي
على العشير اللي غيابه كواني=وشلون يرضى بالقطيعة لشرواي
ماني بناسي غاليٍ(ن)ما نساني=أنشد عن أحواله وهو سر بلواي