قاف شعري ما نويته ما نوى=القوافي صار باهت فصها
حين ليلي ولع شموع النوى=والمشاعر قام يكبر غصها
صايرة جمرٍ(ن)مجهز للشوى=فوقها الأحلام زاين حمصها
كلنا بالنار تحرقنا سوا=النفوس أحيان تنسى حرصها
يا شموع القلب لا منه غوى=العروق من الجنان يقصها
ياشموعٍ(ن)هزها هب الهوى=ضي شوقي صار يتبع رقصها
لين قلبي مال معها وانكوى=ذاب فيها والشفاه يمصها
من سماه العالية فيها هوى=فوق وهاج الشموع بنصها
طالبٍ(ن)لدواه ما حصل دوا=غير حسرة بالعروق يرصها
لين شاب الشوق والنابض ثوى=والسبب شمعة بليل يخصها
من حرارتها تقمر مااستوى=وإنطفت قدام ينضج قرصها
ذئب شوقي بالحشا لج العوى=وصها يا ذئب فوقي وصها
قول تكفي هوني نار ونوى=المشاعر لا تزيدي غصها
قاف شعري ما نويته ما نوى=القوافي صار باهت فصها