•ارفعي شالك أنا مشتاق أشوف= حمرة الخدين بالوجه الخجول
•قالت:أنا ونت تحدانا الظروف= مطلب تطلبه ماهو بمعقول
•قلت: أنا شوفتك عندي ياهنوف=مثل ماء الزراع في بطن الحقول
•الخضاب الّي على ظهر الكفوف=ذاب من كثر التطيب والغسول
•والعيون الّي مثل حد السيوف=ذبحها لي عرض والا ذبح طول
•والرموش الّي على عينك صفوف=تشخص الأبصار منها في ذهول
•قالت: اصبر لين يذهب كل خوف=لا تعجل ذبحتك أنت مهبول !
•قلت: باح الصبر واضنتني الحسوف=والتردد طال ماشفت محصول
•ثم قالت:لن سلمت من الصروف=لارضي الولهان وعد وش تقول !
•قلت: هذا العهد امضيه بحروف=قالت الفا فاهمه أهل الفضول
•ثم ودعت الحبيب بمعَروف=وأنتظر منه الرسائل والحلول