ليت ليلي ينسيني غرام النهار=وليت يومي ينسيني عنا ليلتـي
لأجل عيني تنام بدون نار إنتظار=السهر زود أشواقي وهي علتي
كن بالعين جمر وكن بالقلب نار=ودي بشوفة اللي عشقها ملتي
نامت الخلق نامت من صغار وكبار=غير عيني سهيره واعرف بزلتي
زلتي حظي اللي صابني بإنكسار=طير النوم عني عارف بخلتي
لا ذكرت الحبيبة حالي النوم طار=قمت اسامر طيوفٍ(ن)جات من خلتي
ياطيوفٍ(ن)تلون مالها من قرار=قصدك لعزتي والا تبي ذلتي
كان دمتي على ذا الحال طول العمار=النهاية جنوني ثابته والتي
اشغلتني تهنا ماعليها غبار=هي هنا قلبي وروحي ولو ولتي
والله إني مابدل حبها كيف صار=ما شغلني سواها وين ما حلتي
مبعدة عن دياري ليتها بالديار=كان جبت الحبيبة عندي بفلتي
مير مالي على حكم الولي إقتدار=المقادير مالي فوقها حيلتي
ليت ليلي ينسيني غرام النهار=وليت يومي ينسيني عنا ليلتي