إرتحت من حلمٍ(ن)معنيني=ممسوح من عقلي بمساحه
بغا على ناره يوديني=الله حفظ نفسي من الطاحـه
ما عاد بتبع حلم يشقيني=يا حلو طعم النوم والراحه
عند الذي حسه مهنيني=لا حط لي تكوة وطراحه
ماني بسامع من يناديني=لن عطر لجوي بفواحه
فديت من كله بيفديني=أبو عيونٍ(ن)سود ذباحه
شفايفه توت البساتيني=والخد كنه لون تفاحه
لا من حكى لي قلت يا عيني=مالك شبيه أبد على الساحه
دفا يديك يحرق ايديني=ومشاعرك كالنار لفاحه
يا شمعة أيامي من سنيني=للي أبي بالعين لماحه
فيك الطهر مثل الوفا فيني=يا قرة عيوني يا سماحه
عندك دواي اللي يداويني=طبيبتي للجرح جراحه
تعرف دواي اللي بيشفيني=فديتها سرحة ومرواحه
اللي مضى ما عاد يعنيني=قلبي لها دون البشر واحه
إرتحت من حلمٍ(ن)معنيني=ممسوح من عقلي بمساحه