الصبر طيب يا خفوقٍ(ن)تعلق=في حب من حالت ظروفي للقياه
اهواه لكن حلم عيا يتحقق=لاني بقادر التقي به ولا أنسـاه
هواه بعروق الغرام ايتدفق=الشوق يأمر به والأوضاع تعصاه
الشوق عيا بالخفوق يترفق=جمره كوى لأدناه ويحرق أقصاه
كواه حبه لين كله تحرق=عزاه يا قلبي من الشـوق عزاه
متى عناك اللي ذبحك يتفرق=تفرح بضمة خلك اللي تمناه
قدام يا قلب المودة تمزق=ويلاه يا قلبي من الوجد ويلاه
حبل الأمل يا خافقي ما يوثق=نخره سوس البعد وظروف تبراه
صبرت مير اللي مضى صعب يلحق=ركضت خلف الحلم ما جابه الجاه
الصبر طيب يا خفوقٍ(ن)تعلق=في حب من حالت ظروفي للقياه