انتخى هادي بسلمان الجزيرة=يوم ضاقت به من اتباع الخميني
وين سلمان العرب شيخ العشيرة=وين من فعله ليا فعل يبينـي
قال:يالبيه جايتك المسيرة=فزعةٍ(ن)للجار وحماية لديني
ما طلبت لشيء يا صاف السريرة=أبشر بعزك ومدات اليميني
قالها سلمان في بصر وبصيرة=بالعلن ماهي بمكر ولا كميني
ربع ساعة بالزمن ماهي كثيرة=نردع العاصي ومثلك ما نهيني
اليمن وأهل اليمن عندي كبيرة=والله الرحمن للمؤمن عويني
الصقور الخضر تحرس كل ديرة=بسابقاتٍ(ن)ما تراها كل عيني
من قواعدها ليا فزت مغيرة=في دقائق ترجم ابليس اللعيني
لين يرجع صاغرٍ(ن)جوف الحضيرة=يقعد بحسرته لقرون وسنيني
ما يفكر يرفع الراس الحقيرة=كان طين ويرجع لسابقه طيني
جرها الحوثي على نفسه جريرة=وحان وقت حساب ما بينه وبيني
دام ما يسمع كلام ولا نذيرة=يبشر بكسرة خشم عيا يليني
انتخى هادي بسلمان الجزيرة=يوم ضاقت به من اتباع الخميني