الا يالطيـف الـروح قلبـي مـن اجلـك ذاب=
كمـا ذاب معـجـون الـذهـب عـنـد صبـابـه=
اعـالــج عـيــون دمـعـهـا دايـــم صــبــاب=
واعالـج فـؤاد ذاب مــن حــر مــا صـابـه=
الاياوجودي وجـد مـن راح مـع الاجنـاب=
تـــرك دنـوتــه واقـفــى عـلـشـان طـلابــه=
على صاحب من طول فرقاه راسي شاب=
ثلاث سنوات ما وقفت رجلـي علـى بابـه=
دلال وجمـال صويحبـي والثـمـان عــذاب=
دوى علـتـي ودواي اذا قــال لــي جـابــه=
الايابعـد روحـي تـرى صاحـبـك منـصـاب=
اذا مـاوزى بـه يالغضـي انتـوا ادرى بـه=
عسى الله يعافي من ذبحتوا بدون اسباب=
غليـل عليـل الـروح وانتـوا مــن اسبـابـه=
رموه العذارى حسبي الله على الاصحاب=
طريـح الهـوى سبعـيـن عـلـه تـلـوى بــه=
انـا معفـي عـن حربهـم والغضـي حــراب=
نكسـت السـلاح ومحزمـي مـا اتعنـى بــه=
انا حزبي واحد والعذارى يجـون احـزاب=
سطوا بالضمير البيض ما عـاد لـي ثابـه=