ياناعي سعود راح سعود لأعماله=
اللي بدنياه قبل الموت قدمـها=
ولا بد بيجي لنا في يوم ما جا له=
ارواحنا يالطيف الحال ترحمها=
محد يتوخر ولا يقدم عن آجاله=
مصيبة الموت لابد انتقاسمها=
الله يعوض على ذويه وعياله=
والله يعوض حكومتنا وحاكمها=
سعود نادر يجي بالساسة أمثاله=
كل السياسات دارسها وفاهما=
كل الدول قدرت لسعود وأفعاله=
سياسة المملكة بيديه راسمها=
سعود بالوقت هذا فارس رجاله=
سياسته صارت الساسة تعلمها=
حنا دعاة السلام بتالي أقواله=
مسيرته بالحياة بخير ختمها=