متى حبيبي تحن وتتصل بيه=صوتك يداوي جروح عالقه فيـه
نار الهوى في عروقي دايمن حيه=ما يطفي النار غير اللي مولعها
تعال يا حبيبي مشتاق لانفاسك=فديت نبضك ومن رجلك ليا راسك
عجل عليه عساني ما احرم احساسك=الروح يا حبيبي الشوق قطعها
الشوق يانور عيني مايفارقني=اربع وعشرين ساعه حيل حارقني
في بحر حبك بلا رحمات غارقني=روحي معك والهواجس دوم تتبعها
اسج مع هاجسي والقاك في دمي=مالك لقلبي ومالك ياغلا حلمي
متى حبيبي اشوفك مقبلن يمي=ننسى هموم الغرام اللي نصارعها
نشرب بعد يبست كبود الهوى فينا=شربة هنية من الأسقام تشفينا
لين العروق اليبوس تعيش وتلينا=بأجسادنا اللي عظيم الشوق لوعها
نهنا بعد شح في ماضي ليالينا=ننسى جروح الفراق الله لا يبلينا
أيام وسنين ظالم ما يخلينا=نهنا بالأعمار فالدنيا نمتعها
لكن حسافة زماني والبخت قاسي=ما ترحم لحالتي وتراعي إحساسي
تقتل حلومي وتبعد غالي الناسي=ناسٍ(ن)عليًه عزازٍ(ن)كيف أرجعها
متى حبيبي تحن وتتصل بيه=صوتك يداوي جروح عالقه فيه
نار الهوى في عروقي دايمن حيه=ما يطفي النار غير اللي مولعها