يا بعيد الدار في قلبي قريب=كل يوم ادق وارسل لك رسايل
ماترد بحرف وبصوتك تجيب=الهجر سوى بمعشوقك غلايل
بذمتك هذا يسويه الحبيب=بالحبيب اللي مداميعه همايل
ودي بشوف وصوتك يارهيب=تمسح لدمعٍ(ن)مثل وبل المخايل
مير يا عزاه صدك صار ذيب=ينهش أحلامي وطرحها قتايل
من بدايات العمر حتى المشيب=الأماني روحت والعمر زايل
صار همي قبل ما يحل المغيب=أسمع أخبارك وحالك كيف قايل؟
ياعساك بخير وجروحي تطيب=يحفظك رب الملا من كل عايل
دام مالي يمكم حظ ونصيب=ماني مدور بذا الدنيا بدايل
ماني براجي قريب ولا غريب=حظي وعارفه ما يبغا دلايل
كل يوم يمر من عمري يعيب=مدري ليش الحظ مع شراوك مايل
لو يعالج كان دورت الطبيب=مير مابه طب يشفي للعلايل
بالبداية والنهاية يا عجيب=يا زمانٍ(ن)ذوق النفس الهوايل
أخذ مني زهرة العمر المهيب=الزمن سوى بمعلوقي عمايل
التصبر صعب ودوايه صعيب=ما يداوي علتي حل وتحايل
علتي ودواي عندك يا صحيب=منك يكفيني ولو قل القلايل
يا بعيد الدار في قلبي قريب=أتمنى بس ترسل لي رسايل

المشاركة الأصلية كتبت بواسطة عساف الأصائل (المشاركة 197318) صح لسانك واعتلا شانك تقبل التحية

المشاركة الأصلية كتبت بواسطة دليل القوافــل (المشاركة 197319) صح لسانك ولا هنت ابداع لا يستغرب تقبل التحية

المشاركة الأصلية كتبت بواسطة عذبة الروح (المشاركة 197320) صح لسانك واحساسك العذب شاعرنا ربي يسعدك

المشاركة الأصلية كتبت بواسطة قناص المها (المشاركة 197321) صح لسانك ولا هنت ايها الراقي احسنت فيما دونت

المشاركة الأصلية كتبت بواسطة سكون الليل (المشاركة 197322) قصيدة ممتازة تسلم الايادي والذوق

صحت ابدانكم جميعا اسعدني حضوركم وردودكم

تقديري

المشاركة الأصلية كتبت بواسطة أبو الطيب (المشاركة 197323) صح لسانك وكل كيانك قصيدة تستحق الاشادة

المشاركة الأصلية كتبت بواسطة وافي الوافي (المشاركة 197324) روعة بدعت صح لسانك مليون ولا يكفون

المشاركة الأصلية كتبت بواسطة marmar (المشاركة 197325) صح لسانك واحساسك العذب شاعرنا

المشاركة الأصلية كتبت بواسطة ضوء القمر (المشاركة 197326) روووعاتك صح لسانك ولا هنت بانتظار جيدك

المشاركة الأصلية كتبت بواسطة حورية البحر (المشاركة 197327) صح لسسسسااانك لا هننت ابدااع تسلم ايدك

صحت ابدانكم جميعا كل باسمه

سعدت بردكم

تقديري