ياللي تقول إنك مدور ونشاد=لا تتعب لروحك على شيء فاتي
اللي مضى معروف ما عاد ينعاد=وأنا لعلمك ما أتبع المقفياتي
لكن بقل لك علم حاسب لنقاد=ترى الليالي بعضهن مقبـلاتي
ترى الحكي منقود يا صاح لن زاد=بين الرجال ومنقدة للبناتي
الهرج مثل السيف محتاج لغماد=غمد الحكي يا صاح بين الشفاتي
بركاد ياللي تنقل الحكي بركاد=لا تندفع بالحكي وإسمع وصاتي
الحكي يا ناقله بالعون ما فاد=وفر كلامك والتزم للسكاتي
ماني خبل يخاف من هرج فساد=اللي حياته بين ودي وهاتي
يبي يفرق بين واعد وميعاد=من شأن يلقى له مكان ومباتي
في داخله من جاير الغبن وقاد=لو العمر بيديه بالعون ماتي
يحسب كثير الهرج يرفعه لا عاد=ما يدري إن الهرج مابه غناتي
يا صاحبي جبان بالناس ما ساد=واللي يبا العليا يسوي سواتي
ادعس على روس الحسودين وأنقاد=صوب المراد اللي طلبته لذاتي
والله لقهر كل عاذل وحساد=أنا مثل سيفٍ(ن)بكف الزناتي
طبعي كذا وارد للكيد بكياد=ماني بخايف غير مالك حياتي
اللي خلق من ماش شيات وعباد=بيديه وحده كل خير وهناتي
ياللي تقول إنك مدور ونشاد=لا تتعب لروحك على شيء فاتي