ياراع القصيد الناس للحكي لماحه=يعرفون ما تعنيه جنب مـلامتهم
تحرص تكون أنته من أقوام فضاحه=ترى الناس ما تقبل تمس لكرامتهم
بعدها بقول: الوقت زين لنواحه=بعد زان مشوا بالمناديل دمعتهم
زماني علامه يرفع لقوم فلاحه=رفعهم بعد كانوا عرب مثل قلتهم
انا شفتهم بالعين في مجلس الساحه=معازيب مدر ضيوف ياكثر لمتهم
يقولون حنا للشعر ناس نصاحه=يحسبون كثر المدح يرفع مكانتهم
خبول العرب كذا على ماش مداحه=كمن الحكي ببلاش زادت خبالتهم
سمان العلوم اللي على ظهر طراحه=ليا حان وقت الجد راحت وخلتهم
يقولون حنا للبشر نجلب الراحه=وانا اقول ليت الناس تسلم لعلتهم
ترى المدح علة ما يداوى بالاجراحه=لكن الزمان الشين زين لملتهم
علوم السعة واجد لكن البلا الطاحه=ليا منهم طاحوا بعيدة سلامتهم
غزير البحر ما يسبحه غير سباحه=ليا هاج موج البحر بين مهارتهم
ختام القصيد يا قايل الحاحه=ترى كل قوم أشعارهم حسب همتهم
يشوفون شعرك ما يساوي لملاحه=مثل ما أنت شايف كل ناسٍ وحكمتهم
ياراع القصيد الناس للحكي لماحه=يعرفون ما تعنيه جنب ملامتهم