فات موعد صاحبي ما دز عذره=يا عساه بخير وأحواله سليمه
قال لي بجيك والسهرة بخبره=نقضي الليلة سواليفٍ(ن)عظيمـه
قلت:مرحب من مساء للصبح بكره=أنت ما تحتاج للسهرة عزيمه
وانتظرته لين صبري مل صبره=وإنكسر قلبي وجربت الهزيمه
راح ليلي صاحبي ما بان بدره=حال من دونه على عيني عسيمه
يا هجوس الليل حلمي ضاق صدره=ما بقي لي غير تذكارٍ(ن)قديمه
أتذكر ما مضى وأجر زفره=راحت ضلوعي من الزفرة هشيمه
ما نسيت لصاحبٍ(ن)ما قل قدره=لو نسيني مدة الغالي كريمه
بكتم الحسرة بقلبٍ(ن)شب جمره=لين يحضر صاحبي قدرٍ(ن)وشيمه
وإن تمادى بالغياب وراح عمره=ما جزيته بالهجر مني حشيمه
بنتظر جيته دامي صرت لأمره=لو عروق القلب تغدي به سقيمه
فات موعد صاحبي ما دز عذره=يا عساه بخير وأحواله سليمه