مرحبا مرحبا يا جنة المهتوي=اقلطي فوق بوح الشوق يالمكرمه
يا هلا خلي الولهان بك يرتوي=الوصل يا غناتي للهوى مرحمه
خلي الوصل سيدا دربه الملتوي=لا تروحين يمه سكته مظلمـه
ارحبي فوق قلبٍ(ن)للغلا محتوي=ما يخاشرك فيه من النساء مسلمه
الهوى بيننا يا غايتي مستوي=مغرمٍ(ن)فيك وأنتِ(ي)ياغلا مغرمه
قبل جيتك قلبي بالهجر منكوي=وبعد شوفتك طفت ناره المضرمه
خلي الليل شرقة وافعلي وإنتوي=المشاعر بحبك طاغية مفعمه
اطوي الدل فوقي يا غرامي طوي=خلي ايديك فوقي بالدلع محكمه
ودي أعيش فيك بذيب لهف يعوي=لن شبع منك سوى بالشعر ملحمه
الشعر منك يأخذ في دروبه خوي=أنتِ(ي)اللي لفكري بالشعر ملهمه
فيك ظني وشعري من زمن ما غوي=وأنتِ(ي)اللي بكلي دايم محشمه
مرحبا مرحبا يا جنة المهتوي=اقلطي فوق بوح الشوق يالمكرمه