يا صاحبي ذبحني الشوق والوجد=من حر ما بي كن دمي يصفا
الناس تشعل نار من شدة البرد=وأنا أشتعل لأجل المشاعر تدفا
بعد دفايه حال من دونه البعد=مالي سواه من المخاليق شَفا
غالي سواة الماس وأحلى من الشهد=اللي من بيوت المناحل مصفا
تبهج لعيني شوفته ناعم الخد=كامل وصايف مقبله والمقفا
عوده غصين البان ممشوقة القد=ما فيه زامي غير صدرٍ(ن)وردفا
والعين عين الحر في ساعة الهد=كن الجبين البدر والسحر طرفا
ريحه سواة العود والمسك والورد=وأنفاس للبردان مدفا ومشفا
لؤلؤ على مرجان عنبر على ند=حسنه لشعري ياهل الشعر مرفا
رابي على حسن الأدب مبعد السد=محدٍ(ن)على ماقيل فيه يتشفا
هذا غرام الروح لين أدخل اللحد=هواه في شرع الهوى ما تخفا
كن الهوى مزروع فيني من المهد=ما فيه غيره داخل القلب ولفا
وليف روحي مشعل الشوق والوجد=من حر ما بي كن دمي يصفا

المشاركة الأصلية كتبت بواسطة البدوي (المشاركة 206579) صح لساااااااانك ابدااااااااع تقبل التحية

المشاركة الأصلية كتبت بواسطة صادق الوعد (المشاركة 206581) صح لسانك ملياااااااار احترامي

المشاركة الأصلية كتبت بواسطة نور الدنيا (المشاركة 206582) صح بوحك واحساسك المرهف رووووعه

المشاركة الأصلية كتبت بواسطة السنافي (المشاركة 206584) صح لساااااااانك لله درك استاذ الشعر

المشاركة الأصلية كتبت بواسطة صاحب المعالي (المشاركة 206585) صح لسانك واعتلا شانك تقبل اعجابي