سلامي لخلٍ(ن)مختفي ما نشوفه=بعد صارت قلوب المحبة شواهد
يا عذب الكلام اللي تشوق حروفه=دعتنا ظروف الوقت غصب انتباعد
ترى صدري اللي عاثي الشوق جوفه=يجر الونين اللي سواة الرواعد
تون الضلوع اللي بلاها نشوفه=نشوفة من احوالٍ(ن)صعيبة تعاند
زمان الوصل شحت علينا كفوفه=وقصرت عن الجزلات مد السواعد
تطوف الليال وحظنا ما نطوفه=على خيبة الهجران والصد قاعد
يالوف الفؤاد من التباعد يالوفه=ظروف العمر هذا السنة ما تساعد
علينا كلوفة والمواصل كلوفه=صعوبات وقتٍ(ن)فات جاها روافد
ما باقي يانبض الروح غير الحسوفه=وقلبٍ(ن)بصدق الحب ماهو بجاحد
تولع بولفه والمصاعب تحوفه=من سنين ما غيًر عهود ومعاهد
على العهد باقي لو تخونه ظروفه=يبا يكمل المشوار والرب واحد
سلامي لخلٍ(ن)مختفي ما نشوفه=بعد صارت قلوب المحبة شواهد