ياملهمة عذب القصايد لشاعر=
نار الهوى ما تنطفي بالمراسيل=
لو تنطفي أفنيت كل الدفاتر=
وفصلت لك من لذة الهرج تفصيل=
لكنها جمرة تفوق المجامر=
تكوي عروق القلب بلحيل بلحيل=
والعمر مقفي والأماني تكابر=
أطماعها صوب الليال المقابيل=
وانا بسراط الوقت محرور اناظر=
عله يزين وينتهي ماضي الويل=
ياوردة أحلامي ويا روح جابر=
دنياي من دونك هموم وغرابيل=
كانك تشكي في صدوق المشاعر=
تعالي اقري في عيوني تفاصيل=
اقري غرامك بين هدب المحاجر=
تلقين فيها حكي من قبل ما قيل=
منها تعرفي كم من ليل ساهر=
ومن هو يسهرني ليا زارني ليل=
هذا دليل العشق بالقلب ساتر=
ما يعرفه غيرك من العدل والميل=
محبتك بالقلب ماني بناكر=
لكن خفيًة عن عيون المهابيل=
وأنا أدري إنك يا هوى البال فاكر=
فاكر هواك اللي فعل بي بهاذيل=
ياملهمة عذب القصايد لشاعر=
نار الهوى ما تنطفي بالمراسيل=