نجوم الليل تحاكيني .. وأحاكيها بنظراتـي=عيوني يانجوم الليل ورى نومي مجافيهـا
أعاند وقتي القاسي ..يذكرني بمـا فاتـي=همومي يانجوم الليل في كثـرك تساويهـا
اناظر بالفضاء الواسع . تهل العين عبراتي=أنا وشلون هالدنيا علي ضاقت مساعيهـا
أدرّج خطوتي بالليل وتمل الرجل خطواتي=أتوه من السفر مابين حاضرها وماضيهـا
تسوّد فيني الدنيـا وأرد أنظـر لمرآتـي=ولالي غيرها عين ٍ تحاكينـي وأحاكيهـا
أدور بسمة ٍ تخفي عن النظرات ضيقاتـي=عجزت من المشي لكن همومي وين أوديها
ألا يالله ياربـي طلبتـك تجمـع شتاتـي=مشااعر حالمه ماحدٍ قدر يفهـم خوافيهـا
أنا مقدر على غيرك يارب اشكي معاناتي=أنا مليت من دنيا همومـي زايـده فيهـا