الله من قلب(ن)هواك استحله=هذا قصيدي يا غرامي رسوله
وضح لك المكنون دقه وجله=إن كان عندك شي مخفيه قوله
أنا ترى وهبتك القلب كله=سلمتكم أمره بعرضه وطوله
تله من الأعماق لن شيت تله=تعرف مكانينه وتعرف ميوله
واللي يكدر خاطرك منه شله=ما باقي الا شي يعجبك زوله
تلقى غرامك فيه بوصيك خله=أحلام عمري كلها اليوم حوله
ووصيك بالخفاق حذرا تذله=تراه لأجلك ثاقلات(ن)حموله
من بعدها بالرفق بالله قل له=هيِ تعجبك ثورته والا خموله
هيا ارتحل والا على الفور سله=أنا دخيلك لا تفرح عذوله
بله بوصلك كان ودك تبله=ما دام تقدر بالأيادي تطوله
تراك من بد المخاليق خله=مالك مقاليده وتملك حلوله
وله على عرش الهنا عجل وله=تكسب ثوابه وأُخذ باقي كموله
والا على درب الشقا قوم دله=خله مدى الأيام تركض خيوله
بس المهم أرجوك حذرا تزله=لا تتركه محتار والهم غوله
خله يعرف برايكم لو يعله=أخير وأبرك من حلوم(ن)تهوله

المشاركة الأصلية كتبت بواسطة القنـــــاص (المشاركة 24263) حجز ملكي فاخر درجة اولى الله من قلب(ن)هواك استحلـه هذا قصيدي يا غرامي رسوله وضح لك المكنون دقه وجلـه إن كان عندك شي مخفيه قوله أنا ترى وهبتـك القلـب كلـه سلمتكم أمره بعرضه وطولـه تله من الأعماق لن شيت تلـه تعرف مكانينه وتعرف ميولـه الله عليك قصيدة المليون صح لسانك مدد بلا عدد جزلة من شاعر جزل لك تقديري

المشاركة الأصلية كتبت بواسطة عساف الأصائل (المشاركة 24276) الله الله قصيدة قمة الجمال والذوق مبني ومعنى صح لسانك مدد بلا عدد تقبل مروري وتقديري

المشاركة الأصلية كتبت بواسطة عذبة الالحان (المشاركة 24310) النجم صح لسانك قصيده رائعه كروعة صاحبها هنيئالك بذالك الاحساس

المشاركة الأصلية كتبت بواسطة binhlailبن هليــل (المشاركة 24358) صح لسانك وعلا شانك قصيدة راااااااااااائعة لك كل التقدير

المشاركة الأصلية كتبت بواسطة كامل الأوصاف (المشاركة 24386) صح لسانك وعلا شانك قصيدة راااااااااائعة لك كل التقديري

المشاركة الأصلية كتبت بواسطة المستشــار (المشاركة 24393) صح لسانك شلمت يمينك قصيدة جزلة من شاعر جزل لك تقديري