أحس قلبي يوم مر الهوى فز=اختلت الدقات من هول مابه
ظلى يفوح الدم كنه على قز=واختل تنظيم العرق وانصبابه
كله من الّلي يوم مر يتقمز=قمز الغزال الّلي خفيف صوابه
وز الغرام بداخلي يا عرب وز=شي(ن)نسيه القلب عود وجابه
علق معاليق الهوى قام يجتز=حتى عزيز القلب عيا يهابه
فرحان بالثوب الجديد المطرز=يناظره في جيته في ذهابه
كل ماتسارع بالخطا قام يهتز=امقيد الوركين ضيقة ثيابه
ما حط فوق الوجه برقع مقربز=الراس ما لفه بكامل حجابه
زمة نهوده مغريات(ن)مرزز=الذوب فوق الريق بالريق ذابه
تحسب خدوده دمها فوقها نز=ومن الصفا عنقه يبين شرابه
صفة رموشه من حراب مركز=رمشه رفيق الموت عجل انتدابه
اصابعه مثل الأخله تغزز=اخشى عليها تنجرح من عضابه
ريان عوده ماتراخى من اللز=ما ذاق حر الشوق بعد التهابه
ربى على التدليل غرو(ن)معزز=توه صغير السن بأول شبابه
ذبحتني بالضحك والغنج والغز=ما ني بعارف رقته من عتابه
اتعبتني بالصد والهجر والدز=أطرد ورا حلم(ن)بعيد سرابه
إن كان قصدك من صدودك تعزز=هلا بصدك مرحبا يا هلا به
وإن كان قصدك من دلالك بتبتز=جيتك بحالي لو فيها عذابه
القلب عندك يااريش العين غرز=ماعاد يعرف مخطيه من صوابه
انا كتبت اسمك بظرف محرز=وأودعته الخفاق وأحكمت بابه

المشاركة الأصلية كتبت بواسطة القنـــــاص (المشاركة 25855) صح لسان وعلا شأنك جميلة جدا الله يعطيك العافية لك تقديري

المشاركة الأصلية كتبت بواسطة عساف الأصائل (المشاركة 25866) صح لسانك وعلا شانك قصيدة غالية جدا تسوى 1000000 لك تقديري

المشاركة الأصلية كتبت بواسطة قائدالقوافل (المشاركة 25907) صح لسانك ياتلشاعر

المشاركة الأصلية كتبت بواسطة ۞النجـــــم۞ (المشاركة 25929) صح لسانك وعلا شأنك راااااائعة لك تقديري

المشاركة الأصلية كتبت بواسطة binhlailبن هليــل (المشاركة 25997) تحسب خدود دمها فوقهـا نـز ومن الصفا عنقه يبين شرابـه اللــــــــــــــــــــــــــــــــه بيت جميل جدا لك تقديري