أنـا رفعتـك فـوق وش نزلـــك تحــت= تركت درب العـز وسـلكت غيـره
لو كان لك معقول يا بـوك مـا طحت= ولا كـان هـذا بالليــالي مصيــره
فعلتك هذي ما لهـا عـذر لـو صـحت= فضحتني ما بين قــوم وعشيـرة
وليتك قبل فعلتك من دنيتي رحت=أخيـر وابـرك من فعــال مريـرة
يا بــوك هـذي فعــلة لــو توجــهت=ما ني بلاقــي حـل وإلا بصيــرة
فضحتني ما بيـن قومي ليـا أقبلـت=أحس فيهـم من سـوايـاك ذيـرة
من فعلتك يا بوك واللــه مـا ارتحـت=خليتنــا بيـن المخـاليـق عيـــرة
دليتـك لـــدرب الهـدايــة وجنبـــت=أعجبك درب إبليس ودقات زيـره
وأنـا قبـل تـاقـع من الفعـل خمنــت=إن الليـالي القـادمـة مستـطيـرة
بانـت على وجهـك علامات وأنكــرت=ليتك قبلت النصح وهي صغيرة
وهــذي نهايتهــا بعـد ما تدمـــرت=كشـفت عن كل العيوب الستيرة
خربـت سـمعتنــا بفعلتـك خـــربت=ما كـن لـي ربَـعٍ ولا شـي ديــرة
مـــا ينفــــع المعـــذار وإلا تعــــذرت=أنت وما سـويت مـثل العثيـرة
لـو كانـت الفعــلة بعيـدة تحملــــت=لكــن هـذي بين عـم وصـريــره
تكفــون يا ربعــي بعد قوتــي لنــت=أضفـوا علينا الستر لوهي كبيرة
بين الرجــاء واليـأس مقفـي وقبلــت=والقلب فيه من الأجـاويـد حيـرة
ودي اليمهــــا بعـــد راحــت فتـت=لا يفـرح الشـامت بحـب النثيـرة
أنــا ترانــي مثلكــم كنــت ثم كنت=مجـروح قلبي والفجــايع تثيــره
تكفــون يا ربعــي كبيـرة وذي ثبـت=لا تنشـــرون عيوبنــا بالجـــزيرة
أضفوا علينا السـتر للحـي و إن مــت=ردوا على لحـد القبـر من زبيــره
تكفـون يا ربعـي كفـى مـا تصبـــرت=روحي من الأوجــاع صارت كسيرة
تكفـون يا ربعـي من الــذل قـربـــت=ولا خـاب رجل فزعتـه هو شـويره
والـي عتـب على محمـد ولـو قلـــت= عمــي وشـــيخ قائــد للمســيرة
لكــن عمــي شــائفه لازم الصمـــت=اللــه من هم الليـالي يجيـره
أنخــا فــرج والعلم مربوط فيك أنــت= لا تتعبـون الكــــورة المسـتديـرة
أنخــا بني عمـي وبالصــوت بينـــت= يا أهـل الوجيـه الطيبات المنيـرة
يا أبو سعود أنخـاك يا شيـخ لا هنــت=وأنخـاك يا فاضـل نقــي السـريرة
وأنخــا ذوي عائض هـل الحـزم والبت=يثنـون سيف المـوت داخل جفيره
الخمس بحسـاب العـرب بعدها ســت= مدري حسابي صـح يا بن عميـرة
زرعـت في ماضـي الليــالي وقمنــت=خاب الرجـاء والزرع حــوام طيره
وإلا أنــا غلطـــان وأراجــــع النــــت= وأزرع بـدال البـر ذروة شـعيـــرة

المشاركة الأصلية كتبت بواسطة قائدالقوافل (المشاركة 29062) صح لسانك قصيده جميله ومميزه تقبل مروري

المشاركة الأصلية كتبت بواسطة الــذيــب (المشاركة 29069) صح الله لساااانك وبيض الله وجهك وأسمح ليه بهذه الابيات وعسى أن تكون معيره ربــعــك دروعــك وانــت فـيــهــم تــحــصــنــت ... إحــصــنــونــك مــن اللــيــال الــمــريــره أبــشــر بــربــع(ن) يــرفــعــونــك لـيـا حــطــت ... ربــع(ن) لـهـم بـيـن الـقـبـائـل مـسـيــره أبـــو ســعــود يـــقـــول لا هــنــت لا هـــنـــت ... حــنــا مــعــك لــو الــمـصــيــبه كــبــيــره لك أرق الـتــحــايــا و أعــذبــهـــا

المشاركة الأصلية كتبت بواسطة القنـــــاص (المشاركة 29073) صح لسانك جزلة من جزل دام لنا هذا العطاء المتجدد لك تقديري

المشاركة الأصلية كتبت بواسطة المستشــار (المشاركة 29079) صح لسانك قصيدة رائعة بكل المقاييس جزلة من جزل بيض الله وجهك لك تقديري

المشاركة الأصلية كتبت بواسطة السحـ فوق ــاب (المشاركة 29081) صح لسانك وسلمت يمينك قصيدة رائعة بمعنى الكلمة لك تقديري واحترامي

المشاركة الأصلية كتبت بواسطة دليل القوافــل (المشاركة 29248) صح لسانك بصراحة قصيدة بدعت فيها لك تحياتي

المشاركة الأصلية كتبت بواسطة القنـــــاص (المشاركة 29262) صح لسانك رائعة بروعة تواجدك لك تقديري

المشاركة الأصلية كتبت بواسطة عساف الأصائل (المشاركة 29291) صح لسانك وبيض الله وجهك قصيدة رائعة بكل المقاييس لك تحياتي

المشاركة الأصلية كتبت بواسطة ۞النجـــــم۞ (المشاركة 29368) صح لسانك كالعادة رائعة من روائعك لك تقديري

المشاركة الأصلية كتبت بواسطة نجم العرب (المشاركة 29396) الله الله بيض الله وجهك صح لسانك وعلا شأنك قصيدة رائعة الله يعطيك الف عافية