البارحة سريت ليل الهوا سري=أسج قلب الود للي يوده
للي هواها باري(ن)حالتي بري=مقدر ولو يطلب حياتي أرده
لو هي على المريخ بجري لها جري=ما دام صار الود جدي وجده
محبوبتي أحلا من الشهد والسري=اللي ليا جادت عذوقه نجده
جمالها الفتان مخلوق مفتري=فيه المحاسن كلها محد قده
محشوم ما قلد بملبوسه العري=ولا حط مسحوق التجمل بخده
دائم من الشينات والغي مذتري=ما يطلب المنقود والا يمده
صوته وزوله مغري(ن)خافقي غري=القاه بعيون العقل وين الده
ذرا غرامه داخلي بالغلا ذري=واليوم أنا واياه نقطف لورده
غرامنا ما بيننا مندري دري=محد(ن)من العذال يقدر يعده
حلو الهوا لا شب بضلوعنا وري=أرواحنا من حرقته ما تصده
دائم هوانا داخل قلوبنا طري=وأحلامنا و أشواقنا مستبده
ماني مماري فيه طلابة المري=ما تطلبه روحي من الشوق عنده
ولاني بقابل فيه بيع(ن)ولا شري=قلبي موصيني عن الكل بده
لا غاب عني ينفري خافقي فري=أتيه في عالم من الحزن مده
كذا البشر ما بينهم واحد(ن)بري=العشق فطرة بالقلوب الموده

المشاركة الأصلية كتبت بواسطة عذبة الالحان (المشاركة 40550) صح لسانك بن هليل قصيده رائعه من روعة صاحبه كلها احساس تعودنا على هالذوق الرفيع نتمنى نتذوق المزيد من هالاحساس دومت بود

المشاركة الأصلية كتبت بواسطة الــذيــب (المشاركة 40610) صح الله لسااااااااااااااااانك احساس نابع من قلبي ملئ بالاحاسيس تقبل أرق التحايا و أعذبها

المشاركة الأصلية كتبت بواسطة ۞النجـــــم۞ (المشاركة 40623) صح لسانك كالعادة متألق لك تحيتي

المشاركة الأصلية كتبت بواسطة * بنت الشريف * (المشاركة 40671) صح لسانك قصيده رائعه بكل ماتحمله من أحاسيس جميله مبدع متألق مميز كعادتك دمت لنا ودام نزف قلمك يعطيك العافيه

صح بدنك ولا هنت


سعدت بردك

لك

تحيتي

صح بدنك ولا هنت


سعدت بردك

لك

تحيتي

أقف إعجاباً بما نثرته هنا
للكلمه معنى ..
ومعناها غير معك ..
اكتسبنا مشاعر جديده واحاسيس

تتوق لها عيون العاشقين ...

...


صح لسانك على رائعتك