عزاه ياقلب(ن)لوته الدوازيز=لكن من طول المعاناة ما جاز
أحس في جوفه سواة النواغيز=وأحس في فكري من الوجد نغاز
العقل تايه مابقا فيه تركيز=بعد النشاط أحسني صرت معتاز
طول الليالي أكنز الوجد تكنيز=حتى غدت مثل الجبل فوقي أكناز
طال المدا والشيء لا صار بيعيز=حتى قوي العزم يرجع بعكاز
عجزت أفرز خافي الهم تفريز=كل ما طرا لي فكرة وضعها باز
لا زرتني بالنوم فزيت تفزيز=ما كني الا رجني هز هزاز
شوقي الك يحز بالقلب تحزيز=نزفه على الأوراق تخطيط قزاز
حطيت لك بالقلب ميدان تقفيز=أفراس عشقك يقفزنه تقفاز
حوطتني بسياج كنه براويز=علقتني يازين في جوف برواز
جهزتني للعشق والحب تجهيز=صبيت فوق النار من غنجك القاز
رميتني بالبحر من دون تمميز=بحر(ن)غويط ومن دخل فيه ما فاز
حرزتني في داخل الظرف تحريز=ما كني الا كف في جوف قفاز
رسمت فوقه قلب مليان ترميز=وحسبتها فوقي مهمات وإنجاز
طرزتني من كل ماتريد تطريز=جاز لك تفعل شيء لو كام ماجاز
ما عاد باقي في شكة وتهميز=اللي فعلته في يحسب لك إعجاز
حتى قصيدي صار للشعر تعجيز=الغاز مدري فيه مايشبه الغاز
الشطر الأول ينتهي أخره إيز=والشطر الأخر ينتهي أخره أز

المشاركة الأصلية كتبت بواسطة الــذيــب (المشاركة 44413) صح الله لسااااانك قصيدة جزله من شاعر جزل تقبل أرق التحايا و أعذبها

المشاركة الأصلية كتبت بواسطة القنـــــاص (المشاركة 44449) صح لسانك وعلا شأنك مبدع كعادتك لله درك لك تحيتي

المشاركة الأصلية كتبت بواسطة * بنت الشريف * (المشاركة 44476) صح لسانك اخوي عالقصيده الرائعه دمت لنا ودام نزف قلمك يعطيك العافيه

المشاركة الأصلية كتبت بواسطة ۞النجـــــم۞ (المشاركة 44603) صح لسانك وعلا شانك كعادتك مبدع نص رائع لك التحية

المشاركة الأصلية كتبت بواسطة نجم العرب (المشاركة 44773) صح لسانك مليون ولا يكفون نص رائع من شاعر متمكن لله درك لك التحية

المشاركة الأصلية كتبت بواسطة ملك القلوب (المشاركة 44811) صح لسااااااااانك بيض الله وجهك نص رائع الله يعطيك العافية لك تحيتي

المشاركة الأصلية كتبت بواسطة المستشــار (المشاركة 44902) يا سلام عليك مبدع صح لسانك وعلا شانك نص راااااائع لك التقدير

المشاركة الأصلية كتبت بواسطة عساف الأصائل (المشاركة 45324) صح لسانك وعلا شأنك ما قصرت لك التحية

المشاركة الأصلية كتبت بواسطة دليل القوافــل (المشاركة 45512) ضح لسانك راااائعة الله يعطيك العافية