كان الغلا ما بيننا حبل ممدود=لا تضيع الفرصه ترى العمر ميدوم
العمر كله بالثواني ومعدود=لو كان غرتنا هواجيس وحلوم
أنا عطيتك عهد مخلفت لعهود=لا تعتذر عن شيء مهو بمعدوم
الحب لا دق الجرس داخل الفود=ما كنه الا طعن برماح وسهوم
يغدي حنيني كنه الفورد بنفود=تومي به الأطعاس مهو بمحشوم
حتى غدا من شدة الأيام مكدود=لو تعرضه للسوم مهو بمسيوم
بعد الجهد قل العزم صار مهدود=ما باقي الا ذكرياته مع القوم
الحال من بعضه ليا صار مقرود=ما تنفع الحيلات جهد وعزوم
ما عاد باقي في للوقت مجهود=أقفت ليالينا ويوم بعد يوم
وأنا ارتجف من شيء بالقلب موجود=لكن قلبي بين الأضلاع محكوم
لولا الضلوع العوج تمنعه بقيود=تبع هواه وجاك لو كنت بالروم
يامن ملكته جود لو تعرف الجود=تكفا فديتك قبل لاموت محروم
أرحم رحمك الله يا ناعم العود=لاتكون ظالم تحتمل ذنب مظلوم
أسهر طوال الليل والعالم رقود=حتى غديت من السهر شبه مسموم
ليش الهجر اليوم ماعاد لك رود=أشقيتني ماعاد يهناني النوم
لا غبت عني صابني هم ولهود=ما عاد أميز بين غابي ومفهوم
غدت لي الأيام من غيبتك سود=حلو الحلوم أمست على قلبي هموم
لا تطول الغيبات ياصاحبي عود=قدام لا تسمع خبر مات مكلوم
وإن كان مت أبشرك بحرم الدود=ما باقي الا جلد وعظام بهدوم

المشاركة الأصلية كتبت بواسطة binhlailبن هليــل (المشاركة 44655) جديد كان الغلا ما بيننا حبل ممدود=لا تضيع الفرصه ترى العمر ميدوم العمر كله بالثواني ومعدود=لو كان غرتنا هواجيس وحلوم أنا عطيتك عهد مخلفت لعهود=لا تعتذر عن شيء مهو بمعدوم لا تطول الغيبات ياصاحبي عود=قدام لا تسمع خبر مات مكلوم وإن كان مت أبشرك بحرم الدود=ما باقي الا جلد وعظام بهدوم

الله الله

نص رائع بكل المقاييس

لله درك

سلم نبضك

وصح لسانك

لا عدمناك

لك

كل تقدير

المشاركة الأصلية كتبت بواسطة عساف الأصائل (المشاركة 44665) الله الله نص رائع بكل المقاييس لله درك سلم نبضك وصح لسانك لا عدمناك لك كل تقدير

المشاركة الأصلية كتبت بواسطة نجم العرب (المشاركة 44774) صح لسانك مليون ولا يكفون نص رائع من شاعر متمكن لله درك لك التحية

المشاركة الأصلية كتبت بواسطة الــذيــب (المشاركة 44782) صح الله لساااااااااااااانك وبيض الله وجهك قصيدة رائعه من شاعر جزل تقبل أرق التحايا و أعذبها

المشاركة الأصلية كتبت بواسطة القنـــــاص (المشاركة 44808) صح لسانك وعلااااااااا شاااااااااااااانك كعادتك مبدع لك التحية والاحترام

المشاركة الأصلية كتبت بواسطة ملك القلوب (المشاركة 44813) صح لسااااااااانك بيض الله وجهك نص رائع الله يعطيك العافية لك تحيتي

المشاركة الأصلية كتبت بواسطة الـسـيـف (المشاركة 44827) صح لسانكــ يالغآلي . . جزء من إبداعكـ المتواصل ماشاءالله تبارك الله تقبــل مروري

المشاركة الأصلية كتبت بواسطة المستشــار (المشاركة 44901) ا سلام عليك مبدع صح لسانك وعلا شانك نص راااااائع لك التقدير

المشاركة الأصلية كتبت بواسطة الــزعــيــم (المشاركة 45090) صح لساااااااااااااانك قصيدة رائعه من شاعر مبدع تقبل تحياااااااااااااااااااتي الخاااااااااااااااااااااااصة

المشاركة الأصلية كتبت بواسطة دليل القوافــل (المشاركة 45513) الله عليك رائعة الله يعطيك العافية لك التحية