يـاصاحـبـي لا تقول ايش فيك ناسيني = وش لـون بنسى عيونـي يانظر عيني
ودي بـشـوفـك لـكـن الـوقـت حاديني = الـوقـت ضـدي ياروح القلب مشقيني
مـنـسـاك لو الـعـمـر طاف الـثـمـانيني = مـنـسـاك يـاسـيـدي يــاشـمـعـة سنيني
من جـور بـعـدك لـذيـذ الـنـوم جافيني = مـافـيه غـيـرك يـانـور الـعين يشفيني
الشوق جـمـره يـاروح الروح كاويني = يـاصـاحـبـي كـل مـايـعـنـيـك يـعـنيني
الـبـارح الـهـم طـول الـلـيـل طاويـنـي = طـي الـورق لا طـوته أنـامـل ايـديني
يـاصـاحـبـي الـدم وقـف فـي شراييني = من زود شوقي لشوفك كان تـوحيني
بـعـدك عـن الـعـيـن يـالمحبوب باريني = مـتـى اشـوفـك يـامـن بـعـده مـعـنيني
لاضـاق وقـتـك يانبض القلب ناديني = ابـشـر بـعـزك مـدام الـقـلـب يـغليني
وش لون يـاصـاحـبـي تـقـول ناسيني = هل يعقل انسى عيوني يانظر عيني

المشاركة الأصلية كتبت بواسطة binhlailبن هليــل (المشاركة 58278) صح لسان يالذيب قصيدة مسبوكة سبك الله يعطيك العافية لك تحيتي

المشاركة الأصلية كتبت بواسطة ابن عميش (المشاركة 58287) الذيب والله ثم والله انك ذيب ولافيك حيله وفالك التوفيق . والله يجمعك بمن تحب ويكون امام ناضر عيونك وتسوي القصائد من قريب .. جميله ورائعه هذه القصيده لك مني اجمل تحيه

المشاركة الأصلية كتبت بواسطة النجـــــم (المشاركة 58325) صح لسانك يالذيب قصيدة طيبة وانت اطيب لك التحية

المشاركة الأصلية كتبت بواسطة همسات شاعرية (المشاركة 58330) صح ألسانك ودام أبداعك ,, د مت على هذا ألأبداع وألتجديد ,, دمتِ بالخير كله

المشاركة الأصلية كتبت بواسطة عذبة الالحان (المشاركة 58557) صح لسانك يالذيب قمة الروعه تحاكي قصائدك جمال ودقة الفاظك تشاطر اي معنى سجل اعجابي بما تدونه

المشاركة الأصلية كتبت بواسطة صقـر عتيبـة (المشاركة 58618) الذيب صح السانك قصيدة جميلة ومميزة وجزلة وننتظر المزيد ثم المزيد تــــــقـــــــ تــــــحـــــيــــــااااااااااااااااتـــــــــي ــــــــــبـــــــــل صقر عتيبة