الصاحب اللي صحبته هم من هم=من غير ما تدري تسوي سواته
الصحبة اللي كلها غم من غم=أخير من عيشة صحيبك مماته
مهما تسوي فيه يجزاك بالذم=هذي طبيعة فيه منهج حياته
اللي على قول المثل ياخذك لحم=ويرميك عظم وكل همه بذاته
كانك على ما قيل للعلم تفهم=لا تتبع اللي ما يكمل صلاته
لو راح لا تبكي عليه وتندم=خله يولي قلعته بمهواته
بس المهم إنه يجنب وتسلم=خله يروح بسيته وحسناته
دور على اللي عادته تم من تم=اللي معك دائم مجهز عصاته
اللي على ما قيل يفداك بالدم=كله وفا والطيب تاج لصفاته
لا قلت له يا صاحبي قال لك سم=ما لف وجه عنك بطارف عباته
لا جات لك حاجه قبل ما تكلم=قضى لك الحاجه ولو هي غناته
دائم ليا شافك بشوش يتبسم=لن كان هذا صاحبك يا حلاته

بارك الله فيك



صح بدنك ولا هنت


لك


تحيتي

من ذوقك الله يعطيك العافية


سعدت بتواجدك


لك


تحيتي

صح بدنك ولا هنت



سعدت برد الطيب

مشكور الله يعطيك العافية

بارك الله بعمرك


سعدت بردك الطيب وتواجدك المميز


دمت بخير


لك

تحيتي