رسمت لي صورة بفكري وحليت=لكنها ما تنعكس بالمرايا
ياما بها من لهف نفسي تغنيت=ظنيت فيها نادرات الحلايا
وياما لها بالشوق أقبلت وأقفيت=ودي أقرب يمها من غلايا
ظنيتني أقوى تحدي وتحديت=وأصبح صباحي مثل ممسى مسايا
ماكنت أظن إني على ماش سجيت=كل الأماني مابقا لي بقايا
ماجبت من مسراي ماهو ترجيت=ماكان لي قدام عود ورايا
المعذرة من غير مشعر تماديت=غرتني الأشعار وحسن التحايا
ما خذت بالي لين بالشك طبيت=نسيت رشدي وإنزلقت بخطايا
غرتني الأحلام حتى تعديت=كل الخطوط الحمر تابع هوايا
ياليتني قدام لأنساق هديت=حتى تبين خافيات النوايا
ياكبرها من غلطة(ن)ويش سويت=محد(ن)من العقال سوى سوايا
أنا أعترف أخطيت وأخطيت وأخطيت=سلكت دربك يا خطا من عمايا
أرخصت روحي لأجل برضيه وأعميت=بالفعل مدري بالرغي والحكايا
غلطت في حقه وحقي وياليت=قدام لأركض كنت حاسب خطايا
كل الذي سويت من ذنب حبيت=لكن من حبيت ماهو معايا
والمعذرة ياللي عليكيم تجنيت=الله يجنبكم جميع الرزايا
كل الذي بنيت من وهم هديت=خلاص بدفن ماجرى بالحنايا
باب تجينا منه الأرياح سديت=حتى ولو إنه مخالف منايا
دفنت بالأعماق ماكان بديت=خلوه يحسب واحد من الخفايا
هذا عذر وإن كان للعذر صديت=من باب أولى باقيات الهدايا
نزلت من برج الأمل بعد عديت=من يوم شمسي أغربت عن سمايا
بعد جفتني داري اليوم شديت=على ظهورك ياحرار المطايا
بطوي حبالي مثل ماجيت رديت=بحمل جروحي وأترجى دوايا
عل الكريم يجيب لي ما تمنيت=يالله يارحمن حقق رجايا

صح بدنك ولا هنت


شكرا لردك الطيب


لك تحيتي

صح بدنك ولا هنت


شكر لك على هذا الرد المميز


لا عدمتك


لك تحيتي

صح بدنك ولا هنت


شعدت بمرورك وردك الطيب

صح بدنك ولا هنت


سعدت بتواجدك وردك الطيب

صح بدنك ولا هنت


رد كايف بيض الله وجهك


لك خالص تحيتي

صح بدنك لا هنت


سعدت بردك الطيب

الف شكر لمرورك وردك الطيب


دمت بكل خير

الف شكر لك


اشرقت الصفحة بنور حضورك


جملتي القصيدة بحرفك



وعطرتيها بردك



لا عدمناك

ابن هليل

الله يعطيك العافية

صح لسانك وسلمت يمينك

سلمت ودمت لنا

تقبل تحيــــــــــــــــــاتي