نوم العوافي روح لا تكثر اللوم=تصبح وتمسي ياهوى البال في خير
ماني بنائم خاطري صار مكلوم=من كثر ما قدمت لي من معاذير
ليا كان في بالي هواجيس وعلوم=النوم يا سيد الغنادير بيطير
بساهر الأفكار وأساهر نجوم=أبني وأهد الليل يجلب تفاكير
بسهر ليال طوال لو دائم الدوم=ما عاد لي حيله ولا لي تدابير
بودع أحلام أمس وأستورد حلوم=يمكن تكون أحسن وتطلع مسافير
بكتب على الأوراق وأقلب البوم=القا بعض ذكراك بين التصاوير
أذكر بها هموم وتفرج هموم=والصبح تلقا لو بعض التفاسير
ما دامني من شوفتك صرت محروم=ما عاد تفرق باقيات المحاذير
حتى غديت من االقهر شبه مسموم=كل ما تقفي فكرة جاتني غير
صار الخطا والصح ماهو بمفهوم=لكنها بالبال مثل الطوابير
هذي نصدرها وهذيك بقدوم=ليال ياما بين وارد وتصدير
ودي تكن ظالم ولا تكون مظلوم=وأنا لظلمك عاد بشوف تبرير
وليا عجزت أبرره قلت مقسوم=هذا مقدر واحد من المقادير
خل السهر لعيون ما حولها نوم=أرقد وتصبح ياهوى البال في خير

المشاركة الأصلية كتبت بواسطة الحجازي (المشاركة 71218) خل السهر لعيون ماحولها نوم *********** أرقد وتمسي ياهوى الشعر في خير صح لســــــــــــــــــــــــانك

المشاركة الأصلية كتبت بواسطة متعب الأعنه (المشاركة 71219) صح لسانك وبيض الله وجهك

المشاركة الأصلية كتبت بواسطة الحجازي (المشاركة 71239) (بــودع أحــلام أمس وأستورد حلــوم ****** يمكن تكون أحسن وتطلع مسافير) أصحى وشوف البيت وشلون مرسوم ****** وليــا صحيـــت لــها رســاله وتذكــير أشكرك على ردك وتسلم .... لاهنت وبيض الله وجهك وصح لسانك (بأنتظار جديدك)

المشاركة الأصلية كتبت بواسطة ساحر القلوب (المشاركة 71255) ما دامني من شوفتك صرت محروم ما عاد تفـرق باقيـــــات المحاذيــــر حتى غديت من االقهر شبه مسموم كل ما تقفي فكــــرة جاتنـي غيـــــر صار الخطا والصــح ماهو بمفهـــــوم لكنهـا بالبـــــال مثـــــل الطوابـيــــــر قصيده رائعه بروعة حضور شاعرها نبض يلامس ما بالأنفس مشاعر واحاسيس راقية صح لسانك .... أبدعت تمنياتي لك بالتوفيق تحياتي لك...

المشاركة الأصلية كتبت بواسطة حورية البحر (المشاركة 71256) بن هليل مساءك عقد الجمان .. مساءك معطر بذكر الرحمن.. صح لسانك .. بيض الله وجهك ولاهنت .. ع الإبداع الراقي قصيده جزله وشامخه .. من شاعر شامخ وجزل بإنتظار بوحك الراقي والمميز تمنياتي لك بقضاء أسعد الأوقات في طاعة الرحمن كل الود

المشاركة الأصلية كتبت بواسطة صادوهـ بن فديتك (المشاركة 71389) صح لســااااااااااانك

المشاركة الأصلية كتبت بواسطة abdo_mg48 (المشاركة 71410) سلمت يداك ونبض قلمك على ها المدون هذا حقا انها رائعه بل متميزه

المشاركة الأصلية كتبت بواسطة ابن عميش (المشاركة 71401) بن هليل تزينت جميع معاني الابداعات والتألق في هذه القصيده التي اكتست ثوب الجمال والتميز من تميز شاعرها ...صح لسانك وسلمت يمينك ..لك التحيه والتقـــــديــــــــــر

المشاركة الأصلية كتبت بواسطة abdo_mg48 (المشاركة 71410) سلمت يداك ونبض قلمك على ها المدون هذا حقا انها رائعه بل متميزه