ياعين كفي الدموع السكايب = ماينفعك ياعين دمع(ن)سكبتيه
لو الدموع ترد من كان غايب = لقول صاف الدمع ياعين هاتيه
لكن دار الوقت والحظ خايب = أبعد عنك نورك اللي عشقتيه
الناس تتباشر بشوف السحايب = ليا تراكم ياعيوني تبعتيه
من يوم ماشفتيه قامت كتايب = جنودها ذكرى وليف(ن)ذكرتيه
القلب من فعلتك ياعين ذايب = لنك حبيب الروح عنه حجبتيه
الجفن ورده ذابلته مصايب = وانتي سيولك جارفه وجرفتيه
دمعك على جفني كنه لهايب = من جمرك(ي)بستان قلبي حرقتيه
ياعين روفي بحالكِ والهدايب = يكفي على شانه دمعك سكبتيه
مدام ذا ممشاك أنا منه تايب = الله يسهل لك طريق(ن)مشيتيه
الصبر يبري الجروح العطايب = وانتي نفذ صبرك ودمعك ذرفتيه

المشاركة الأصلية كتبت بواسطة binhlailبن هليــل (المشاركة 75091) صح لسانك يالذيب أبيات جميلة الله يعطيك العافية لك تحيتي

المشاركة الأصلية كتبت بواسطة المستشــار (المشاركة 75093) صح لسانك وعلا شانك بيض الله وجهك لك خالص التحية

المشاركة الأصلية كتبت بواسطة صقـر عتيبـة (المشاركة 75101) صح السانك قصيدة جميلة مميزة جزله وفااااااااااالك المليووووووووووون تقبل تحياااااااااااااااتي صقر عتيبة

المشاركة الأصلية كتبت بواسطة ابن عميش (المشاركة 75104) الذيب صح لسانك وسلمت يمينك على هذه القصيده الرائعه تألق وابداع ,,,لك التحيه

المشاركة الأصلية كتبت بواسطة عذبة الالحان (المشاركة 75160) صح لسانك لاجديد من شخصيه تفننت باحرف الابداع راسمه خطوه ملكيه وبصمه لكل بيت اتمنى لك التقدم تقبل مروري

المشاركة الأصلية كتبت بواسطة أبو ناصر (المشاركة 75163) صحّ لسانك ياذيب رائعة من رائع تقبل تواضع مروري