نويت أسافر وأهجر الدار يا زين=اللي تغلا فوقنا من سكنها
كل الذي أطلبه في عينهم شين=وأنا الذي قدمت روحي ثمنها
حتى الذي أحسبه في منزل العين=دار الظهر بعد ضلوعي طعنها
أفضل جميلة جاتني منه بعدين=بكره وبعده لين روحي طحنها
ما يدري إن الدين ما يقضي الدين=والناس تأخذ مثل ما يجيك منها
ليا كنت أنا في عينه من المجانين=قررت أزيح الهم عني وعنها
برحل وأدور لي بلاد وميادين=بسكن وطن بالأرض ماهو وطنها
عل القلوب القاسية بعدي تلين=والا تموت بغيضها من شجنها
والا يصير البعد بالوقت بعدين=بعد المسافة والقلوب وحزنها
والله مرضا أعيش عيشة مساكين=ماني رفيق(ن)للضعوف وظعنها
بلقا بدال الحب ناس محبين=وأقطن ديار قبلنا ما قطنها
بعيش في دنياي عيشة سلاطين=وأسكن قصور غيرنا ما سكنها

عل القلوب القاسية بعدي تليـن
والا تموت بغيضها من شجنهـا
والا يصير البعد بالوقـت بعديـن
بعد المسافة والقلـوب وحزنهـا
والله مرضا أعيش عيشة مساكين
ماني رفيق(ن)للضعوف وظعنهـا



سعدت أن أكون أول من عانق رائعتك



استاذنا بن هليل


صح لسانك الى رضاك

قصيدة جميلة من شاعر اجمل

الله يعين المحبين

لا تنوي السفر و تتركنا دخيلك




تحياتي

صح بدنك ولا هنت


سعدت بردك الطيب

الله يعطيك العافية على هذا الرد الجميل


ما قصرت

لك خالص تحيتي