حامت على راسي طيور الغرام=لكن مهتز فكري على حومها
ماني من اللي تهزه طيور الحمام=ماني عليها شفوق(ن)ولا أرومها
ياطير روحي وحومي بروس العدام=يسكن بها طير تشبه لك بزلقومها
لا تشغليني دخيلك بكثر السلام=أشغلتي الفكر وعيوني عمس نومها
ماني ملاغي طيور بليا كلام=أدري علومي تخالف منطق علومها
ما نتفق في حلال ولا مجاري حرام=ماني مغير لبوسي والبس هدومها
ما عاد لي رغبه الا بصلاة وصيام=النفس تعبت وملت ولا لومها
مطلوبي الله يختم لي بحسن الختام=الروح ما هي بتدري متى يومها

لا تشغليني دخيلك بكثـر السـلام
أشغلتي الفكر وعيوني عمس نومها
ماني ملاغـي طيـــور بليـا كـــلام
أدري علومي تخالف منطق علومها




نص راقي

كلماتك كتلك الفصول المتغيره المتبدله

هكذا تكون حياتنا وايامنا

يوم تشرق فيه شمسنا

واخر تختفي وراء الغيوم

يوما يحتضننا الحب بين ثناياه

وآخر يتركنا نعاني صقيع الوحدة




استاذنا بن هليل

صح لسانك على هالرائعة

كتبت وابدعت


ما عاد لي رغبه الا بصلاة وصيام
النفس تعبـت وملـت ولا لومهـا
مطلوبي الله يختم لي بحسن الختام
الروح ما هي بتدري متى يومهـا


صورت لنا لحظات العودة للنفس و محاسبة النفس اللوامة بكل اتقان

لك منا كل المحبه والتقدير