حاولت أنام بحضن الأحلام وأرتاح...=لكنها يا ليل ما ريحتني...
حلمي لقيته ممتلي مثلي جراح...=من حرقةٍ(ن)بين الضلوع سكنتني...
شوق وغرام وحب بلحيل ذباح...=للي لها روحي بكيفي خذتني...
غرامها بالقلب ما عاد ينزاح...=غذا عروق لقلبي اللي غذتني...
لا جئت أنام القلب من لهفته صاح...=صيحة وله من قوها ايقضتني...
يخاف أنام وسر الأحلام ينباح...=مواجعة من وجعته أوجعتني...
نار الهوى في جمرها خافق طاح...=من حرها يا أهل الغرام أحرقتني...
أسهر من المغرب ليا وقت الأصباح...=لين الهجوس الساريات أرهقتني...
أطرد ورا الأحلام والدم فواح...=لا باعدت عني ولا قربتني...
ماكني إلا بكهف مليان بأشباح...=من كل صوب أشوفها حاصرتني...
أشباح مخلوطة مخيفات وملاح...=طول الليال الماضية سهرتني...
أقضي كثير الليل بمعانق أرواح...=وليا ظهر نور الصباح أنكرتني...
ما سلوتي إلا قصيدي ومسباح...=تبقى معي لا منها غادرتني...
باقي تخاريف السهر كلها باح...=تبخرت من عقب ما بخرتني...
حاولت أنام بحضن الأحلام وأرتاح...=لكنها يا ليل ما ريحتني...