ياوجودي وجد عود(ن) طاح ما خلفه وزيري = فوق جمر الضيم يتقلب والميسم براسه
ميسم الاسعار ما يرحم صغير ولا كبيري = ارتفع سهمه و عشق موتره والعود داسه
زاد حمله زاد حمله و انكسر ظهر العبيري = البعير اللي يشيل الحمل ما عنده فراسه
أنهمر غيث الغلا و طارت أسعار الشعيري = الغلا خطه من التجار مدروسه دراسه
ياحبيب الشعب عبدالله في نعمه و خيري = بس بعد عننا ساهر وحنا في وناسه
يا مليك المملكه ترى الوطن خيره كثيري = أكرم جنود الوطن دام الكرم زاد الحماسه
الرواتب ما تفي بحاجة الطفل الصغيري = في زمان العود طايح والطفل فاقد لباسه
الوطن حبه قصور مشيده وسط الضميري = ما تزعزعه عواصيف الزمن دونه حراسه
الوطن نفداه بالاوراح والغاير كسيري = تنكسر عظمة يدينه ما أخذ كرسي و ماسه
ياوجودي وجد عود(ن) طاح ما خلفه وزيري = فوق جمر الضيم يتقلب والميسم براسه