الورد من دونه يقولون الأشواك=وأنته زرعت الورد تحت لثامك
ماني بلاقي بالعذارى حلاياك=فرس لكن صعيب يقضب لجامك
حليتي بقلبي وقلبي غدا حماك=الروح تحرسك(ي)وفكري حسامك
نامي يا قرة عين منهو ترجاك=عسى الهنا في صحوك(ي)في منامك
خليني أسهر بالليال أتمناك=وأحلم بشوفك وأتخيل كلامك
كل المنى يا زين راحتك ورضاك=وإن ضاق صدرك قول لي وش علامك
ما ودي أشوف الكدر في محياك=أخاف لا يكدر عليك(ي)حلامك
لاتشيل همي يريش العين بفداك=هنا حياتي كلها في غرامك
أفرح ليا مرت على القلب ذكراك=هي سلوتي لا حان وقت إنهزامك
لا يخطر ابالك مع الوقت بنساك=أنتي بوسط القلب عالي مقامك
مدام فيني عرق ينبض فنا أهواك=بفني حياتي كلها في هيامك
أدور من حولك مثل دور الأفلاك=ماني بعارف وين شرقك وشامك
مديت لك يمناي وكفيت يمناك=مدري جفا والا موفر سلامك
الأمر كله يريش العين بيداك=إختار منهو يستحق لوسامك
أما تعال بكل ذاتك وقل جاك=كلك على بعضك مريد إنقسامك
والا تراني بقفل القلب بسلاك=بمنع دخوله لا يحلل حرامك
وإن كان رب العرش عن مثلي أغناك=عيشي حياتك لو تحقق مرامك
جرب معزة غيرنا كانه أغلاك=كسر على درعه بقايا سهامك
لو جاد لك في يوم بعدين معطاك=وإن لنت له سهل عليه التهامك
دور بدالك مثل مهو توطاك=مهو محسب بالليالي خصامك
يا كم من تهواه يصبح من عداك=يبان لك لا حان وقت إقتحامك
رقيق بالملمس خطر لا تولاك=طعنات غدره ما ترده عظامك
لو ضحكك في يوم بأيام بكاك=تبا المعزة منه لكن ضامك
وأنا أدري إن الوقت لابد يجفاك=في حينها وفر لنفسك ملامك
الحظ ليا منه بوقتك تخطاك=ما عاد يرجع لو يشوف إنعدامك

المشاركة الأصلية كتبت بواسطة القنـــــاص (المشاركة 24646) الورد من دونـه يقولـون الأشـواك وأنته زرعـت الـورد تحـت لثامـك مانـي بلاقـي بالعـذارى حـلايـاك فرس لكن صعيـب يقضـب لجامـك حليتي بقلبـي وقلبـي غـدا حمـاك الروح تحرسك(ي)وفكـري حسامـك أبيات رائعة من قصيدة كلها روعة×روعة صح بدنك مدد بلا عدد بيض الله وجهك لك تقديري

المشاركة الأصلية كتبت بواسطة binhlailبن هليــل (المشاركة 24656) الأمـر كلـه يريـش العيـن بيـداك إختـار منهـو يستحـق لوسـامـك قصيدة عام 2008 رااااااااااااائعة بكل المقاييس لك تقديري