كنت اقبل اعذارك واصدق يمينك =واقنع بها والزم بها روحي الزام
كثر انبهاري وانجذابي لزينك =عن هفوتك سبب تغاضيه التام
من الغلا ما اشوف شيً يشينك =ولاني على هذا التصرف بمن لام
وانته تماديت وتماديت لينك =على غلاك اصدرت حكمً بالاعدام
على صخر مقت العناد بيدينك =حطمت قنينة جميلات الاحلام
قساك دمر ماكسبته بلينك = وانباني اني معك في تيه واوهام
ذبل غلاك وجف منبع حنينك = ولاعاد رقمك صعب مابين الارقام
اللي قريته في تعابير عينك =ينبي عن نهايت غرامك من العام
حاضر سنينك غير ماضي سنينك =والفرق واضح والوعد معك قدام
ضلا غيابك يالغلا عن ضنينك =مصدرقلق وازعاج وعتاب واخصام
واليوم لو اتغيب ماقلت وينك =اصبح حضورك مع غيابك ما هو هام
بعد اضمحل الحب بيني وبينك =لاعادتنشد عن شغف ماض الايام
روح بسبيلك والله انه يعينك =واصبر ولا تشكي من اجروح واللام

كنت اقبل اعذارك واصدق يمينك =واقنع بها والزم بها روحي الزام
كثر انبهاري وانجذابي لزينك =عن هفوتك سبب تغاضيه التام
من الغلا ما اشوف شيً يشينك =ولاني على هذا التصرف بمن لام
وانته تماديت وتماديت لينك =على غلاك اصدرت حكمً بالاعدام
على صخر مقت العناد بيدينك =حطمت قنينة جميلات الاحلام
قساك دمر ماكسبته بلينك = وانباني اني معك في تيه واوهام
ذبل غلاك وجف منبع حنينك = ولاعاد رقمك صعب مابين الارقام
اللي قريته في تعابير عينك =ينبي عن نهايت غرامك من العام
حاضر سنينك غير ماضي سنينك =والفرق واضح والوعد معك قدام
ضلا غيابك يالغلا عن ضنينك =مصدرقلق وازعاج وعتاب واخصام
واليوم لو اتغيب ماقلت وينك =اصبح حضورك مع غيابك ما هو هام
بعد اضمحل الحب بيني وبينك =لاعادتنشد عن شغف ماض الايام
روح بسبيلك والله انه يعينك =واصبر ولا تشكي من اجروح واللام