قالت :تنام وقلت ما جيني نوم=يا كيف أنام وطيفكِ طايف(ن)بي
يزورني مهموم ويروح مهموم=حتى ولو إنه قضي الليل جنبي
الطيف طيفك بس بلحيل محروم=مثلي وأنا مثله تحملت ذنبي
يشكي علي شوي ويعود ويقوم=وليا سمعني بشتكي قال:حبي
لو قلت له:تقدر تبادلني علوم=قال أنت تدري ليش جيت متخبي
الله خلقني بس نقال لحلوم=وأنا كذا دائم بتدبير ربي
بسهرمعك بالليل والصبح معزوم=والقابله بجيك كانك ملبي
برجع واحرك لك مشاعره بسلوم=بذكره باللي لقيته بدربي
بقول له:لقيت هيكلك بهدوم=يمكن يحن القلب لو كان صعبي
قلت:أنت عاد تشوفني كيف مظلوم=أبيك شاهد والله الله حسبي
قال:إنتظر بجيك بخبار مفهوم=واما كذا والا كذا طب طبي
لا بد ياتي يوم ويجيك محشوم=قلت:أنت كنك داخل(ن) جوف بقلبي
بلغ سلامي للغلا وأترك اللوم=أخشي عليه منالهوا لو يهبي

المشاركة الأصلية كتبت بواسطة ۞النجـــــم۞ (المشاركة 19784) الطيف طيفك بس بلحيل محـروم مثلي وأنـا مثلـه تحملـت ذنبـي يشكي علي شوي ويعـود ويقـوم وليا سمعنـي بشتكـي قال:حبـي لو قلت له:تقـدر تبادلنـي علـوم قال أنت تدري ليش جيت متخبـي الله خلقنـي بـس نقـال لحلـوم وأنـا كـذا دائـم بتدبيـر ربـي صح لسانك كالعادة قصيدة رائعة سلمت يمينك وصح لسانك مليون ولا يكفون لك كل التقدير

المشاركة الأصلية كتبت بواسطة نجم الحجاز (المشاركة 19792) تعجز الكلمات عن وصف روعة ما كتبت قصيدة رائعة اسلوب حواري بينك وبين طيف المحبوب لله درك تقبل تقديري

المشاركة الأصلية كتبت بواسطة القنـــــاص (المشاركة 19818) الف شكر لك قصيدة جزلة نقلت الحوار الى طيف الحبوب اسلوب جديد بحق قصيدة رائعة لك كل التقدير