لو تعلمين بحالتي بعد فرقاك=حرم علي الزاد والشرب والنوم
أقضي نهاري في تحاسيب وعراك=والقلب مما صابني منك مهموم
كل يوم يمضي لانشوفك ولا أراك=ياليت ذاك اليوم مهو بلي يوم
أشعلت نيران الهوى لاعدمناك=والّلي بقلبك ياريش العين مفهوم
وأنا الذي أفرح ليا جات طرياك=ولو كان من شوفتك يازين محروم
لو كان تهوانا مثل ما هويناك=ما كان سميت المعاذير مقسوم
مديت لك يمناي وكفيت يمناك=وياليتني طلبت ما كان معدوم
وياليتني في حاجتي ما ماطلبناك=لكن غرتني هواجيس وحلوم
مضى الزمان ولا بقي غير ذكراك=والحيل من كثر الهواجيس مهدوم
مسلاك أنا والله يا زين مسلاك=أنته سكنت بخافقي دائم الدوم
مادام روحي في عروقي فلاأنساك=وإن ما قدرنا نلتقي مت مهموم

المشاركة الأصلية كتبت بواسطة الـشـامـخ (المشاركة 28586) صح الله لساااانك وبيض الله وجهك لك تحياتي العطره

المشاركة الأصلية كتبت بواسطة قائدالقوافل (المشاركة 28589) صح لسانك يالشاعر

المشاركة الأصلية كتبت بواسطة binhlailبن هليــل (المشاركة 28707) صح لسانك مليون ولا يكفون قصيدة جميلة لك تقديري