جامل لو إن الوقت قاسي على الحال = الصبر مفتاح الفرج والمسره
وشتال حملك لو مسافاتك طوال = وصبر على وقتك ببرده وحره
وبعد عن دروب المهابيل الأنذال = يضيق صدري كان شفتلك جره
وخللك مابين الأجاويد منزال = وأخذ مع الأيام كره وفره
والطيب خله رأس من روس الأموال = وبعد عن الصعلوك خيره وشره
وخل المقفي لو طرالك على البال = لانافعك لن جاء ولابه مضره
ومالك ومال الي على القيل والقال = الصدر عن بعض الأقاويل زره
وصبر على الزلات لو جاتك ثقال = وحذر على زلت رفيقك تشره
ودنياك هذا حالها ألوان وشكال = والوقت متغير بحلوه ومره