شاعرة وأكتب قصيدي عدل ما فيه إنحرافي=
ما علي من العقول اللي كثيره وسوستها=
أنقشه فوق السما وأنحر به نحور الفيافي=
وإن تمادت السن الشعار هاجت وأخرستها=
الجزالة بالقصايد منهج لحر وسنافي=
والعذوبة من قديمٍ(ن)لابستها لابستها=
الشعر مبنى ومعنى دونها ماهو بكافي=
والهزيلة عن قصيدي بالمحابس حابستها=
لا تحسب الشعر حكرٍ(ن)للرجال اللبس ضافي=
العقول مقسمة وأشعارنا ما دنستها=
يا قوافي علمي شعارنا ما شيء خافي=
العيون تشوف والدنيا غريبة حسحستها=
ما علينا من يبيع سمان ويدور عجافي=
البيارق عالية وأفعالنا ما نكستها=